Прадпрымальнікі са сферы турызму зацікаўлены ў развіцці бізнесу ў рэгіёне – больш за ўсё іх цікавяць тэрыторыі каля Гродзенскай ГЭС і поймы Нёмана, піша «Перспектива». Ёсць ужо як мінімум тры праекты, якія плануюць рэалізаваць да 2030 года.
Гасцявыя домікі ў Хаміках
У вёсцы Хамікі Квасоўскага сельсавета два інвестары хочуць пабудаваць сем гасцявых домікаў на 20 турыстаў. Таксама абсталююць пляж і пабудуюць пірс.
Арыентыровачны кошт праекта – 2,2 тыс. руб. На рэалізацыю праекта прадпрымальнікі ўзялі крэдыт па праекце “Турыстычны патэнцыял”. Скончыць будаўніцтва хоуць да 2027 году.
Рэканструкцыя лагера пад гатэль у Селюках
У вёсцы Сялюкі Абухоўскага сельсавета інвестар рэканструюе былы лагер «Каласок» пад гатэль на дзевяць нумароў. Арыентыровачны кошт праекту каля 7,5 тыс. руб., а рэалізаваць яго плануюць да 2030 году.
Яхт-клуб на беразе Жылічаў
У вёсцы Жылічы Копцеўскага сельсавета пабудуюць яхт-клуб. Інвестар плануе пабудаваць некалькі домікаў для пражывання і лазню, а таксама закупіць катэры. Рэалізаваць праект збіраюцца да 2027 года.
Чытайце таксама: У Міры — гасцініца, у Астраўцы — лодкі. Як у Гродзенскай вобласці збіраюцца развіваць турызм у бліжэйшыя пяць гадоў
