Рыэлтары агенцтва «Юриэлт» прадаюць будынак былога казіно па вуліцы Пралетарскай, 18а ў Гродне. Яго можна перарабіць пад рэстаран, кропку з забавамі і адпачынкам або іншыя сферы паслуг.
Будынак на Пралетарскай, 18а пабудавалі ў 2014 годзе. Яго плошча складае больш за 631 кв. м, прадугледжана 11 памяшканняў на двух паверхах. Ёсць залы з барнай стойкай, абсталяваныя кухні, сховішчы і нарыхтоўчыя. Кошт будынка – 2 782 700 руб.
Цяпер у гэтым будынку размяшчаецца караоке-бар Insta. У сацсетках установы аб продажы бізнесу пакуль не паведамлялася.
Раней тут працавала казіно “Арагон”. Мяркуючы па Instagram установы, яно пазіцыянавалася як “прэміўм клас”. Акрамя азартных гульняў там праводзілі гоў-гоў шоу. Закрылася казіно ў 2016 годзе.
У Беларусі, у адрозненне ад некаторых іншых краін, казіно не забаронены. Наведваць установы з азартнымі гульнямі могуць людзі, якія дасягнулі 21 года. На ўваходзе трэба падаваць пашпарт, а з выйгрышаў спаганяецца падаходны падатак у памеры 5%.
Правілы гульні ў казіно ў Беларусі рэгулююцца Указам №226 “Аб дзейнасці ў сферы ігральнага бізнесу”. У сакавіку 2026 указ змянілі: гульцам забаранілі пералічваць грошы ў замежныя анлайн-казіно, а таксама абавязалі мець толькі адзін гульнявы акаўнт.
Чытайце таксама: Для парку “Стары горад” у Каробчыцах адрэстаўруюць паравоз і закупяць старадаўнюю мэблю
