Да люстраной даты – 26.06.2026, – у ЗАГСы вобласці падалі больш за 120 заяў. Больш за ўсё, 35 пар, зарэгіструюць шлюб у Гродне, паведамляе БелТА.
Пары часта выбіраюць люстраныя даты з-за іх сімвалізму і гармоніі: вераць, што такое лікавае спалучэнне абяцае моцны саюз.
Плануецца, што ў ЗАГСе Кастрычніцкага раёна ажаніцца 18 пар, яшчэ 17 – у адміністрацыі Ленінскага раёна.
Далей у лідэрах Ліда – у горадзе аформяць шлюб 20 пар, а яшчэ адна шлюбная пара адзначыць залаты юбілей, 50 гадоў сумеснага жыцця. Юбіляраў унясуць у Ганаровую кнігу Лідчыны.
На трэцім месцы знаходзіцца Смаргонь – там ажэніцца 14 пар.
Па словах начальніка галоўнага ўпраўлення юстыцыі аблвыканкама Алены Юргель, дата папулярная не толькі з-за люстранасці. Уплывае і пара года – традыцыйна канец чэрвеня лічыцца камфортным часам для вяселляў, калі лета ўжо наступіла, а моцная спякота яшчэ не прыйшла.
Для параўнання, у выходныя дні ў Гродне шлюб афармляе да 30 пар – гэта лічыцца высокім паказчыкам. Усяго ж за 2025 год у абласным цэнтры брак зарэгістравала больш за дзве тысячы пар.
Чытайце таксама: У Лідзе партнёрскія роды становяцца ўсё больш папулярнымі
